|
||||||||||||
|
|
|
Buon natale a tutti, ai longhi e ai curti, a chiddi cu i causi ranni e a chiddi senza mutanni, ai granni e ai nichi, a chiddi chi schucchianu pasta e ncucchianu viddichi, ai sani e ai malati, a sciancati, sgummati, struppiati e malicumminati, ai ricchi e ai pureddi, a chiddi chi mancianu carni e a chiddi chi arricioppanu cavuliceddi, a cu ci piaci manciari e a cu unn’avi mancu culu pi cacari, a vescuvi e parrini, vìriti la missa e sgangacci li rini, ai carciarati ca unn’avi d’ora: coraggiu, cu a nova leggi su tutti fora, a nfirmeri e duttura, a bidelli e prufissura, a ngigneri e muratura, a viddani e piscatura, avvocati e raggiunieri parrucchieri e varberi, a li patruna di li supermercati e a li commessi sfruttati, a li patruna di li ristoranti ai cammarieri e ai suprastanti, a cu s’annaca cu u machinuni e a cu, pi caminari, unn’avi mancu un scarpuni, buon natale a tutti li travagghiatura chi ghiettanu sangu e surura a li disoccupati e nullatenenti ca unn’annu soccu mettiri sutta i denti Buon natale a tutti li mafiusi, rugnusi, fitusi, schifiusi e arrusi, chi i chiuvissiru nta i galeri e ghittassiru a chiavi a mari. Buon natale a tutta la genti ca paga u pizzu e un si nni penti: ognuno è libbiru di farisi nculari e di pruvarici piaciri, macari. Buon natale a lu guvernu ca si nn’issi rittu a u nfernu, buon anno a sinatura e deputati, speciarmenti a chiddi cunnannati, ci vinissi un corpu i sangu e murissiru strati strati, Buon natale a Berlusconi, chi si tolga dai coglioni. Buon natale A Napolitano, accura a non firmare un nuovo Lodo Alfano; buon natali ai vicchiareddi, ai ranni e ai picciutteddi, ai lari e ai beddi, ai nonni e ai niputi, ai boni e ai curnuti, a cu accatta e a cu vinni, a cu acchiana e a cu scinni, a cu chianci e a cu riri, a cu criri e a cu un criri, a cu campa a iurnata e si licca a sarda salata e a cu avi i miliuna a palati e si nni sta futtennu d’i disgraziati, Auguri chi lu Bammineddu Ni purtassi un tempu chiù beddu!!! (Salvo Vitale) |
|
( 25 dicembre 2010 ) |
|