Buon Annu

a tutti, puru a me nannu,

a chiddi chi hannu i sordi e a chiddi chi unn’hannu,

A chiddi chi hannu pitittu

e a chiddi chi si stannu abbuffannu,

buon annu cu li botti a menzannotti,

buon annu a giurici e poliziotti,

a finanzieri e carabinieri,

varbieri,e mitatieri,

a chiddi chi a pigghianu davanti

e a chiddi chi a pigghianu d’arreri,

a scarpara e marinara,

a li vigili urbani,

a cu si vusca u pani,

a viddani, gatti e cani,

mariti curnuti e muggheri buttani

a ienniru, suoggira e nuora,

a chiddi chi arrestanu rintra

e a chiddi chi vannu fuora.

Ora che la mafia non c’è più

si abbrucianu na machina n’addumannamu: cu fu?

Ora nca un ci su cchiù  disoccupati

semu tutti cuntenti e priati,

Ora ca un si paganu cchiù tassi

i sordi n’i mittemu dintra i matarassi

buon annu a l’operai d’a diga Jatu,

chi nuddu arrestassi disoccupatu,

a chiddi di Termini Imirisi,

chi vutaru pi Schifani e ci appizzaru i spisi,

buon annu a patri, matri, soru e frati,

zizzì, niputi, cucini e cugnati,

buon annu a Totò Riina,

ci vinissi un corpu i sangu ogni sira e matina,

buon annu a Binnu Provenzanu,

ci avissiru a cariri i manu,

buon annu a Lo Piccolo, u “Baruni”,

ci vinissi ogni iornu un cacaruni,

auguri a Leoluca Bagarella,

chi ci vinissi sempri a cacarella,

Buon annu a Mimiddu Raccugghia,

chi u stomacu ci arrivugghia,

Buon annu a Gianni Nicchi,

chi stannu dintra un po’ tastari sticchi,

Buon annu a Nicolò Salto, cu a vescica malata,

stamu attenti a cocchi n’autra pistulittata

Buon annu e la fini d’ogni guerra

supra la nostra terra.

Auguri chi  lu novu annu

Un ni facissi dannu

E ni purtassi la fini d’ogni malannu.

(Salvo Vitale)