|
||||||||||||
|
|
|
PROF.MARIO MONTI
Prufissuri, primariu, spicialista universitariu, basta na ricetta ca iddu priscrivi, trova subbitu rimediu pi guariri.
Però a miricina è troppu amara, pi stari boni ci voli almenu un lustru: nn’o mentri ristamu tutti o’ scuru e caminannu sbattemu a testa o’ muru.
Ma u populu cu i cugghiuna chini nun voli sentiri ricetti e miricini. Comu fa a pagari tutti i spisi? I sordi finiscinu a mità ri misi.
A disoccupazioni è puru malatia, nun c’è ricetta pi falla scumpariri. Mariu Monti, u megghiu spicialista, ncuraggia e dici: “firucia aviti aviri”.
I cunti a postu Birlusconi misi, aggiustau a varca ca stava affunnannu, cuntentu, suddisfattu e cu sorrisi, si proclamava specialista anticrisi.
Mario Monti rici: “No, nun è veru, nunn’hai aggiustatu nenti, sì farfanti. Iu staiu mittennu i cunti a postu cu l’intenzioni ri iri sempri avanti”.
Minchia, chi sorti ri situazioni, Monti e Berlusconi n’affussaru. Tutti cuosi vonnu riformari, puru i pila r’u culu ni vonnu scippari.
Nun vuonnu riformari i portafogghi chini, dinari nca nun s’hannu a tuccari. Appartiennu sulu ai patruna ca fannu casini pi iri a guvirnari.
9.1.2013 |
|
( 21 febbraio 2013 ) |
|